बारामती : दिनांक १५/११/२०२२ बारामती शहरातील भारतरत्न प.पू.डॉ.बाबासाहेब आंबेडकर स्मारक या ठिकाणी हायड्रॉलिक शिडी बसविण्याच्या मागणीचे निवेदन भारतीय युवा पँथर संघटनेचे बारामती शहर अध्यक्ष निखिल भाई खरात यांनी बारामती नगर परिषदेचे मुख्याधिकारी महेश रोकडे यांना दिले. डॉ.बाबासाहेब आंबेडकर यांना भीम अनुयायी आभिवादन करण्यासाठी आल्यानंतर पुष्पहार अर्पण करण्यासाठी शिडीची गरज आहे.तसेच स्मारकाची स्वच्छता करताना देखील शिडी/ हायड्रॉलिकची गरज आहे .दिनांक १४/०९/२०२२ रोजी याबाबत निवेदन दिले होते. सदर निवेदनावर कोणतीही कारवाई झाली नाही म्हणून सोमवारी दिनांक २१/११/२०२२ रोजी बारामती नगर परिषदेसमोर बेमुदत धरणे आंदोलन करणार असल्याचे देखील निखिल खरात यांनी सांगितले.
सदर निवेदन देताना भारतीय युवा पँथर संघटनेचे संस्थापक अध्यक्ष गौरव अहिवळे,पश्चिम महाराष्ट्र अध्यक्ष शुभम गायकवाड, पुणे जिल्हा उपाध्यक्ष अस्लम वस्ताद शेख, बारामती शहर अध्यक्ष निखिल खरात,संघटनेचे सदस्य विराज औदुते,समीर खान व इतर पदाधिकारी उपस्थित होते.
