मावळा जवान संघटनेच्या बारामती तालुकाध्यक्षपदी प्रदिप ढुके

सिंहगड,पुणे श्री. छत्रपती शिवाजी महाराज यांच्या विचारांचा वारसा जोपासणारी संघटना म्हणून मावळा जवान संघटनेची ओळख संपुर्ण महाराष्ट्रात असुन नुकतेच या संघटनेच्या बारामती तालुकाध्यक्षपदी श्री प्रदिप गोरख ढुके यांची निवड करण्यात आली. या संघटनेचे संस्थापक अध्यक्ष , इतिहास संशोधक, लेखक श्री दत्ताजी नलावडे यांच्या हस्ते प्रदिप ढुके यांना निवडपत्र देण्यात आले. यावेळी जिल्हाध्यक्ष लक्ष्मण दारवटकर, युवक अध्यक्ष रोहित नलावडे, अश्विनीकुमार पत्की,शेखर जाधव, प्रकाश सातव, हरी खरात, नितीन मांडगे,दत्तात्रय हरिहर,प्रकाश चंदनशिवे,रमेश मरळ(देशमुख)आदी उपस्थित होते. छत्रपती शिवाजी महाराज यांच्या विचारांचा वारसा घेऊन संघटनेच्या माध्यमातून तालुक्यातील युवकांचे संघटन करून, गडकोट संवर्धन, छत्रपती शिवरायांच्या विश्ववंदनिय कार्याचा प्रसार करण्याचा शुभारंभ प्रदिप ढुके यांनी सिहंगड येथे शूरवीर सुभेदार तानाजी मालुसरे यान्चे पुतळ्यास पुष्पहार अर्पण करून संकल्प सुरू केला ,यावेळी बारामती महिला शहराध्यक्षा, अखिल भारतीय मराठा महासंघच्या अर्चना वहिनी सातव यांनी मार्गदर्शन केले .या कामी बारामतीमधुन अनेक गडप्रेमी हजर होते.श्री अश्विनीकुमार पत्की यांनी सूत्रसंचालन केले.