वडगाव निंबाळकर पोलीस स्टेशन हद्दीत विशेष वाहतूक अंमलबजावणी मोहीम

प्रतिनिधी.
वडगाव निंबाळकर पोलीस स्टेशन हद्दीत वाहतूक नियमांचे काटेकोर पालन व्हावे, अपघातांचे प्रमाण कमी व्हावे तसेच नागरिकांमध्ये वाहतूक नियमांविषयी जनजागृती निर्माण व्हावी या उद्देशाने विशेष वाहतूक अंमलबजावणी मोहीम राबविण्यात आली.
या मोहिमेदरम्यान मोटार वाहन कायद्याअंतर्गत खालीलप्रमाणे कारवाई करण्यात आली:

रंगीत (ब्लॅक फिल्म) काचा असलेली वाहने – 18 केसेस, ₹19,500 दंड.

फॅन्सी/कलर नंबर प्लेट अथवा नंबर प्लेट नसलेली वाहने – 10 केसेस, ₹7,000 दंड.

दुचाकीवर ट्रिपल सीट प्रवास – 8 केसेस, ₹8,000 दंड.

वैध वाहन चालविण्याचा परवाना (Driving Licence) नसणे – 4 केसेस, ₹20,000 दंड.

विना हेल्मेट दुचाकी चालविणे – 6 केसेस, ₹6,000 दंड.

मालवाहू वाहनांवर आवश्यक रेड रिफ्लेक्टर नसणे – 12 केसेस, ₹12,000 दंड.

बुलेट मोटारसायकलमध्ये मॉडिफाईड (फटाका) सायलेन्सर बसविणे – 6 केसेस, ₹6,000 दंड.

इतर वाहतूक नियमांचे उल्लंघन – 20 केसेस, ₹15,000 दंड.

एकूण कारवाई : 84 केसेस
एकूण दंड : ₹93,500/-

सर्व वाहनचालकांनी वाहतूक नियमांचे काटेकोरपणे पालन करावे, हेल्मेट व सीटबेल्टचा वापर करावा, वाहनावर नियमबाह्य बदल करू नयेत तसेच वैध कागदपत्रे बाळगावीत. नियमांचे उल्लंघन करणाऱ्यांविरुद्ध यापुढेही लहान मुलांना वाहन देणे अवजड वाहने यांच्यावरती कठोर कारवाई करण्यात येणार आहे.
सदरची कारवाई पोलीस अधीक्षक श्री. संदीप गिल्ल, पुणे ग्रामीण, अप्पर पोलीस अधीक्षक श्री. गणेश बिराजदार, बारामती विभाग तसेच उपविभागीय पोलीस अधिकारी श्री. चैतन्य कदम, बारामती उपविभाग यांच्या मार्गदर्शनाखाली प्रभारी पोलीस निरीक्षक श्री. जीवन मोहिते यांच्या नेतृत्वाखाली पोलीस उपनिरीक्षक श्री. राहुल साबळे, पोलीस हवालदार नाळे, पोलीस हवालदार खेडकर, पोलीस हवालदार देवकर तसेच पोलीस कॉन्स्टेबल जाधव, धोत्रे, भोसले, यादव व सोनवणे यांनी यशस्वीरीत्या पार पाडली.