अज्ञात चोरट्यांनी चाकुचा धाक दाखवत लुटले घर !

प्रतिनिधी – फिरोज भालदार

वडगाव निंबाळकर पोलीस स्टेशन हद्दीतील चोपडज गावामध्ये सौ. पुष्पलता बाळासाहेब जगताप रा. चोपडज यांच्या राहत्या घरी दिनांक 28. 11 .2022 रोजी रात्री दोन वाजताच्या सुमारास दोन अज्ञात चोरट्यांनी घराच्या पाठीमागील सेफ्टी दरवाजे आतील कडी काढून घरात प्रवेश केला. व बेडरूम मध्ये येऊन एक उंच असलेल्या अज्ञात चोरट्याने पुष्पलता जगताप यांचे तोंड हाताने दाबून चाकूचा धाक दावून तुम चुप रहो आपके पास जो है वह हमे देदो असे हिंदीत बोलून दुसऱ्या अज्ञात चोरट्याने त्यांच्या गळ्यातील तीन तोळा वजनाचे सोन्याचे मनी मंगळसूत्र जबरदस्तीने कटरने कापून घेऊन दोन्ही हातातील पाच तोळे वजनाच्या सोन्याच्या बांगड्या काढून बेडरूम मध्ये असलेले लोखंडी कपाटातील हिरे, सोन्याचे व चांदीचे दागिने व रोख रक्कम ही 85 हजार रुपये असा एकूण 10. 77.500 रुपयांचा किमतीचा माल जबरदस्तीने चोरी करून चोरून नेला. पुष्पलता बाळासाहेब जगताप यांनी दोन अज्ञात चोरट्यांन विरोधात वडगाव निंबाळकर पोलीस स्टेशन मध्ये फिर्याद दाखल केली असता फिर्यादीच्या फिर्याद वरून गुन्हा दाखल करण्यात आला . पुढील तपास स.पो.नि सोमनाथ लांडे सो हे करीत आहेत.