प्रतिनिधी
माननीय पोलीस अधीक्षक अंकित गोयल यांनी पदभार स्वीकारल्यानंतर दोन पेक्षा जास्त गुन्हे दाखल असणारे तसेच शहरात अवैध व्यवसाय करणारे लोकांचे तडीपारचे प्रस्ताव तात्काळ दाखल करण्याचे आदेश सर्व प्रभारी अधिकारी उपविभागीय अधिकारी यांना दिलेले आहेत.
त्यांच्या आदेशान्वये माननीय उपविभागीय पोलीस अधिकारी गणेश इंगळे यांच्या आदेशान्वये बारामती शहर पोलीस ठाणे प्रभारी सुनील महाडिक यांनी बारामती शहरात मटका चालवणारा मयूर दीपक कांबळे राहणार आमराई व त्याचा साथीदार महेश प्रल्हाद राऊत राहणार पंदरे यांच्यावर वारंवार कारवाया होऊन सुद्धा ते मटका चालवणे बंद करत नसल्याने त्यांचा प्रस्ताव माननीय पोलीस अधीक्षक यांना सादर केला होता माननीय पोलीस अधीक्षक अंकित गोयल यांनी सदर प्रस्तावावर सुनवाई घेऊन या दोघांच्या टोळीला एक वर्षाकरिता पुणे ग्रामीण जिल्ह्यातून हद्दपार करण्याचा अंतिम आदेश पारित केलेला आहे. सदर इसम शहरात किंवा आजूबाजूला दिसून आल्यास पोलीस स्टेशनला तात्काळ कळवावे.
By
