प्रतिनिधी. :
बारामती तालुक्यातील काऱ्हाटी ग्रामपंचायत निवडणूक स्वबळावर लढणार असल्याचे भारतीय युवा पँथर संघटनेचे संस्थापक अध्यक्ष गौरव अहिवळे यांनी आमच्या प्रतिनिधी सोबत बोलताना सांगितले.राज्य निवडणूक आयोगाने सार्वत्रिक ग्रामपंचायत निवडणूक कार्यक्रम जाहीर झाला आहे.दिनांक १८/१२/२०२२ रोजी मतदान आहे.उमेदवार निवडणूक जाहीर झाल्यानंतर निवडून होईपर्यंत मतदाराच्या घरी – दारी जातात. परंतु निवडणूक झाल्यानंतर निवडणुकीनंतर जनता उमेदवाराच्या दारात अशी परिस्थिती आहे.
अशी चर्चा नागरिकांमध्ये नेहमी होत असते.नागरिकांवर अशी वेळ पुन्हा येऊ नये म्हणून भारतीय युवा पँथर संघटना बारामती तालुक्यातील काऱ्हाटी ग्रामपंचायत निवडणूक स्वबळावर लढणार आहे.
अशी माहिती संस्थापक अध्यक्ष गौरव अहिवळे यांनी दिली. यावेळी गौरव अहिवळे यांनी बोलताना असेही सांगितले की भारतीय युवा पॅंथर संघटनेच्या माध्यमातून गावातील सर्वसामान्य नागरिकांच्या अडचणी वरती प्रथमता काम केले जाईल असेही यावेळी बोलताना गौरव अहिवळे यांनी सांगितले.
