प्रतिनिधी – फिरोज भालदार
बारामती तालुक्यातील होळ येथील प्रसिद्ध श्री.ढगाई देवी मंदिरामध्ये दि. २८ जानेवारी २०२४ रोजी सायंकाळी ७ ते दि. २९ जानेवारी २०२४ रोजी सकाळी ७ वाजण्याच्या दरम्यान ढगाई देवी मंदिरामध्ये अज्ञात चोरट्याने खिडकीचे ग्रील कटावणी सारख्या वस्तूच्या सहाय्याने उचकटुन खिडकीव्दारे मंदीरामध्ये प्रवेश करून चोरी केल्याचे २९ जानेवारी सकाळी होळ येथील ढगाई देवी मंदिराचे पुजारी केशव क्षीरसागर यांनी मंदिर उघडल्यावर ही चोरीची घटना उघडकीस आली .
मंदिरामध्ये प्रवेश करून मंदीरामधील दान पेटीचे कुलुप तोडुन महीन्याभरात भाविकांनी दान केलेली त्यातील अंदाजे एक हजार रुपए रोख रक्कम फिर्यादी मंदिराचे पुजारी केशव क्षीरसागर यांच्या वीणासंमती अज्ञात चोरटयाने चोरी करुन चोरुन नेल्याचे समजत आहे .
यावरून केशव क्षीरसागर यांनी वडगाव निंबाळकर पोलिस ठाण्या मध्ये अज्ञात चोरट्याच्या विरोधात फिर्याद दाखल केली असून अज्ञात चोरट्या विरोधात कलम ४५७,३८० प्रमाणे गुन्हा दाखल करण्यात आला आहे . पुढील तपास पोसई लवटे हे करीत आहेत .
