प्रतिनिधी फिरोज भालदार
आज 26 नोव्हेंबर संविधान दिवस याच निमित्ताने वडगाव निंबाळकर ग्रामपंचायत मध्ये संविधान दिवस साजरा करण्यात आला. डॉ बाबासाहेब आंबेडकर यांनी अथक परिश्रमाने लिहिलेली भारतीय राज्यघटना 26 नोव्हेंबर 1949 रोजी देशाला अर्पण केली तेव्हापासून हा दिवस ‘ संविधान दिवस ‘ म्हणून संबोधला जातो. याचप्रमाणे डॉ बाबासाहेब आंबेडकर यांच्या प्रतिमेला हार घालण्यात आला. निलेश साळवे यांनी संविधानाचे वाचन केले व संविधानाविषयी माहिती सांगितली . यावेळी वडगाव निं . ग्रामपंचायत उपसरपंच संगीता शाह, सदस्य अश्विनी खोमणे ,राजश्री साळवे, प्रमोद किरवे ,निलेश साळवे, व तंटामुक्ती अध्यक्ष माया साळवे , राजुशेठ शहा ग्रामपंचायत कर्मचारी व ग्रामस्थ उपस्थित होते .
