प्रतिनिधी – फिरोज भालदार
एक दिवसापूर्वीच कोऱ्हाळे बुद्रुक येथे ड्रोन फिरत असल्याची सोशल मीडिया वरती बातमी प्रसारित झाली होती. यावेळी वडगाव निंबाळकर पोलिसांनी घाबरून न जाता सतर्क राहण्याचे आवाहन केले होते. मात्र घाबरून न जाण्याचे आवाहन केल्याच्या रात्रीच वडगाव निंबाळकर मध्ये पाच ठिकाणी घरफोडी झाली . यावेळी नागरिकांमध्ये जास्तच भीतीचे वातावरण निर्माण झाले आहे.
नागरिकांमध्ये चर्चा आहे की पोलीस प्रशासनाने भिऊन न जाण्याचे आवाहन केले त्या रात्रीच चोरट्यांनी घरफोडी करून पोलिस प्रशासनाच्या आव्हानाला प्रतिउत्तर दिले? अशी चर्चा नागरिकांमध्ये चालू आहे. वडगांव निंबाळकर याठिकाणी गुरवार रात्री चोरट्यांनी पाच ठिकाणी घरफोडी करत रोख रकमेसह सोन्याची देखील चोरी झाल्याचे समजत आहे .
वडगाव निंबाळकर , बनकर वस्ती ,जाधव वस्ती , जाधव आळी याठिकाणी चोरी झाल्याची घटना घडली आहे . या घटनेमध्ये पत्रकार सुनील जाधव यांच्या घरफोडीत आठ तोळे सोने व दीड लाख रुपये चोरीला गेल्याची माहिती मिळत आहे . यामध्ये सर्वांचे लक्ष्य पोलिस प्रशासनाकडे लागले आहे की या चोरांचा पोलीस प्रशासन किती दिवसात छडा लावणार ?
By
