प्रतिनिधि – फिरोज भालदार

कोल्हापूरमधील विशाळगड गजापुर येथील ‘मुसलमानवाडी’ येथे १४ जुलै रोजी झालेली घटनेच्या निषेर्धात बारामती तहसीलदार कार्यालय येथे तहसीलदार यांना निवेदन देउन बारामतीतील मुस्लिम समाजाकडून निषेध व्यक्त करण्यात आला .

निवेदनामध्ये बारामती मुस्लिम समाज यांच्याकडून विशाळगड येथील गजापुर ‘मुसलमानवाडी’ येथे जमावाने जो हल्ला केला यामध्ये झलेले नुकसान, तेथील स्थाई लोकांच्या त्यांच्या खाजगी जागा, मंदिर, मस्जिद आहेत त्यावर जमावाने हल्ला करणे , खाजगी मालमत्ता उद्धवस्त करणे, धार्मिक स्थळांना, वास्तूंना, मुस्लिम समाजाचा पवित्र ग्रंथ कुराण फाडणे, जाळणे, विटंबना करणे, हे सर्व दंगल घडवून आणण्याच्या उद्देशाने हा प्रकार करण्यात आला आहे . म्हणून या सर्व दंगल खोरांवर प्रशासन, महाराष्ट्र राज्य सरकार यांनी कडक कारवाई करावी अशी मागणी समस्त मुस्लिम समाज बारामतीच्या वतीने निवेदनामध्ये करण्यात आली आहे .

यावेळी पुरोगामी संघटनेतील मानव एकताचे शुभम आहीवळे , मानव अधिकार कार्यकर्ते मुनीर तांबोळी , महाराष्ट्र युवक प्रतिष्ठान बारामती तालुकाध्यक्ष अजिज सय्यद, राष्ट्रवादी काँग्रेस अल्पसंख्यांक बारामती तालुका अध्यक्ष मुन्नाभाई बागवान , जमाती येवले माहींचे सोहेल हाफिज, सामाजिक कार्यकर्ते अजीम इनामदार , मोईन शेख , अमिन तांबोळी, तोसिफ बागवान , हनिफ बागवान,जाकीर काजी, ईफ्तकार आतार, आदी उपस्थित होते .