प्रतिनिधी – फिरोज भालदार

बारामती तालुक्यातील वडगाव निंबाळकर येथील स्वातंत्र्य विद्या मंदिर या प्रशालेमध्ये भारतरत्न डॉ.बाबासाहेब आंबेडकर यांच्या ६६ वा महापरिनिर्वाण दिनानिमित्त अभिवादन करण्यात आले. यावेळी डॉ.बाबासाहेब आंबेडकर यांच्या प्रतिमेला पुष्पहार बहुजन हक्क परिषद महाराष्ट्र राज्य युवक अध्यक्ष पैलवान नानासाहेब मदने यांच्या हस्ते अर्पण करण्यात आला. या कार्यक्रमासाठी बहुजन हक्क परिषद बारामती तालुका युवक अध्यक्ष अमोल गायकवाड सामाजिक कार्यकर्ते सिताराम खुडे नाभिक समाज संघटनेचे वडगाव निंबाळकरचे सचिव पांडुरंग पवार,युवा नेते वैभव साळवे प्रशालेचे प्राचार्य डी.ए. बनकर व शिक्षक-शिक्षिका आणि विद्यार्थी- विद्यार्थिनी उपस्थित होत्या. यावेळी बारामती तालुका बहुजन हक्क परिषदेच्या वतीने डॉ बाबासाहेब आंबेडकर यांच्या महापरिनिर्वाण दिनाचे अवचित साधून जनता शिक्षण संस्थेचे स्वातंत्र्य विद्या मंदिर या प्रशालेला रोख स्वरूपाची देणगी देण्यात आली.ही देणगी प्राचार्य डी ए बनकर यांनी स्वीकारली या कार्यक्रमाचे सूत्रसंचालन डी.बी. चौगुले यांनी केले तर आभार बी. जी.शिंदे यांनी मानले.