प्रतिनिधी
राज्य सहकारी निवडणूक प्राधिकरण आयुक्तपदी अनिल कवडे यांची नियुक्ती झाली आहे. सहकार व पणन विभागाचे अपर मुख्य सचिव अनूप कुमार यांनी आज राज्य सहकारी निवडणूक प्राधिकरण कार्यालयात झालेल्या कार्यक्रमात त्यांना पद आणि गोपनियतेची शपथ दिली.
यावेळी माजी सहकारी प्राधिकरण निवडणूक आयुक्त जगदीश पाटील, साखर आयुक्त डॉ.कुणाल खेमनार, सहकार आयुक्त शैलेश कोतमिरे, सहकारी निवडणूक प्राधिकारणाचे सचिव अशोक गाडे, सहकार व पणन विभागाचे सह सचिव संतोष पाटील, अतिरिक्त निबंधक सहकारी संस्था श्रीकृष्ण वाडेकर आणि सहकारी निवडणूक प्राधिकरणातील अधिकारी व कर्मचारी उपस्थित होते.
