बारामती! वडगाव निंबाळकर बंगला झोपडपट्टी येथे सार्वजनिक पाणीपुरवठा विहिरीच्या खोलीकरणाचे काम संत गतीने चालू? ; मात्र ग्रामपंचायत प्रशासनाचे यावरती दुर्लक्ष.

प्रतिनिधी- फिरोज भालदार

वडगाव निंबाळकर ग्रामपंचायत प्रशासनाकडून बंगला झोपडपट्टी येथील सार्वजनिक पाणीपुरवठा विहिरीच्या खोलीकरणाचे काम चालू झाले आहे .मात्र हे काम संत गतीने चालल्याचे ग्रामस्थांकडून सांगण्यात येत आहे. यावरून वडगाव निंबाळकर बंगला झोपडपट्टी येथील ग्रामस्थ पिण्याच्या व वापराच्या पाण्यासाठी धावपळ करत असतानाचे चित्र दिसत आहे .

ग्रामपंचायत प्रशासनाकडून हे काम चालू असताना बंगला झोपडपट्टी या ठिकाणी प्रशासनाकडून ग्रामस्थांना कुठल्याही प्रकारचे पाण्याची सोय करण्यात आलेले नाही .त्याठिकानच्या ग्रामस्थांना विकत पाणी आणून आपला पाण्याचा प्रश्न सोडवावा लागत आहे .पावसाळा मान्सून चालू आहे या परिस्थितीत महिला पाण्यासाठी बाहेर पडत आहेत यामध्ये महिलांच्या जीवाचे बरे वाईट झाल्यास याला जबाबदार कोण ?.

यासंबंधीत प्रशासनाने यावरती गांभीर्याने लक्ष देऊन विहीर खोलीकरण काम जलद गतीने करण्याचे कॉन्ट्रॅक्टरला आदेश द्यावे व काम पूर्ण होत नाही तोपर्यंत बंगला झोपडपट्टी येथे ग्रामपंचायत प्रशासना पाण्याची सोय करावी अशी या ठिकाणच्या ग्रामस्थांची विशेषतः महिलांची मागणी आहे .