प्रतिनिधी
बारामती तालुक्यातील कांबळेश्वर येथे २५ वर्षीय पीडित मतिमंद मुलिवर वारंवार बलात्कार केल्याची धक्कादायक घटना समोर आली आहे . याबाबत मुलीची आई यांनी माळेगाव पोलीस स्टेशन मध्ये गुन्हा दाखल केला आहे.
याबाबत माहिती अशी . दिनांक १४/ २ /२०२३ रोजी पीडित मतिमंद मुलगी हिने माझ्या पोटात दुखत असल्याचे सांगितल्याने पीडित मुलीच्या आईने तिला उपचारासाठी बारामती महिला रुग्णालय येथे घेऊन गेल्यावर तेथील डॉक्टरांनी तिची तपासणी केली व ती 19 आठवडे सहा दिवसाची गरोदर असल्याचे सांगितले.
त्यानंतर सदर बाब ही पीडित मुलीची आई यांनी तिला विश्वासात घेऊन पूर्ण शुद्धीवर असताना झालेल्या प्रकाराची विचारना केली असता पीडित मुलीने त्यांच्या घराशेजारी असलेला आरोपी शिवराज पोपट खरात रा. कांबळेश्वर ता. बारामती जि. पुणे या व्यक्तीने पीडित मुलगी ही मतिमंद असलेचा फायदा घेउन मुलगी घरासमोर खेळत असताना तिच्या हाताला धरून घरामध्ये नेऊन तिचे इच्छाविरुद्ध तिच्यावर तीन वेळा शारीरिक संबंध केलेले आहे. हा प्रकार मागिल पाच महिनेपुर्वी पासुन चालू असल्याचे समजले .
यावरून पीडित मुलगी हिची आई यांनी माळेगाव पोलीस स्टेशन मध्ये गुन्हा दाखल केला आहे.
पुढील तपास सपोनी किरण अवचर यांच्या मार्गदर्शनाखाली पोसई साळवे हे करीत आहे.
