प्रतिनिधी
आगामी लोकसभा सार्वत्रिक निवडणूक २०२४ पार्श्वभूमीवर बारामती विधानसभा मतदार संघाचे मतदार नोंदणी अधिकारी तथा उपविभीय अधिकारी वैभव नावडकर यांच्या अध्यक्षतेखाली विधानसभा मतदार संघातील क्षेत्रीय अधिकाऱ्यांची आढावा बैठक संपन्न झाली.
उपविभागीय अधिकारी श्री. नावडकर म्हणाले, निवडणूकीच्या अनुषंगाने तालुक्यातील सर्व शासकीय व निमशासकीय कार्यालय प्रमुखांची क्षेत्रीय अधिकारी म्हणून नियुक्ती करण्यात आली आहे. क्षेत्रीय अधिकाऱ्यांना करावयाच्या कामांबाबत माहिती देऊन त्यांनी क्षेत्रीय अधिकाऱ्यांना नियुक्त करण्यात आलेल्या मतदान केंद्राची यादी तसेच त्या केंद्रनिहाय मतदान केंद्रस्तरीय अधिकारी यांच्या नावाची यादी तसेच मतदान केंद्राची प्राथमिक स्वरुपाबाबतची माहिती देण्याबाबतचे निर्देश त्यांनी दिले.
यावेळी सहाय्यक मतदान नोंदणी अधिकारी तथा तहसिलदार गणेश शिंदे, निवासी नायब तहसीलदार विलास करे, नायब तहसीलदार तुषार गुंजवटे आदी यावेळी उपस्थित होते.
