प्रतिनिधी
मातंग साहित्य परिषदे तर्फे मातंगऋषी दुसरे साहित्य संमेलन, राजवाडा लॉन्स पिंपरी चिंचवड पुणे येथे आयोजित करण्यात आले होते. साहित्य संमेलनाचे अध्यक्ष पद्मश्री गिरीशजी प्रभुणे, स्वागताध्यक्ष शंकरशेठ जगताप, आमदार सुनिल कांबळे, परिषदेचे संस्थापक अध्यक्ष धनंजय भिसे आदी मान्यवरांच्या हस्ते साहित्य सम्राट पुणे बहुउद्देशिय संस्थेस क्रांतीगुरू लहुजी साळवे वस्ताद उत्कृष्ट राज्यस्तरीय संस्था पुरस्कार संस्थेचे संस्थापक अध्यक्ष विनोदजी अष्टुळ यांना प्रदान करण्यात आला. यावेळी पुरस्कार स्विकारताना संस्थेचे मार्गदर्शक म.भा. चव्हाण, प्रा.अशोक शिंदे, विजय वडवेराव, प्रिया दामले, अनिल नाटेकर आणि इतर नामवंत साहित्यिक उपस्थित होते.
मातंगीदेवी/ शबरी काव्य कट्ट्यावर राज्यातील अनेक सुप्रसिद्ध कवी कवयित्रींनी आपल्या काव्य रचना सादर केल्या. यावेळी विनोद अष्टुळ यांनी साहित्य सम्राट अण्णा भाऊ साठे लिखित फकिरा या कांदबरीतील जोगणी या शुर प्रथेचा इतिहास सांगणारी गेय कविता सादर करून रसिकांची मने जिंकली.
By
