सोमेश्वरनगर- प्रतिनिधी
बारामती गावातील राजकीयदृष्ट्या महत्वाच्या कोऱ्हाळे बुद्रुक ग्रामपंचायतीच्या उपसरपंचपदी राजेंद्र चंद्रकांत पवार यांची बिनविरोध निवड करण्यात आली आहे.
मावळत्या उपसरपंच आशाबी सय्यद यांनी आपल्या पदाचा राजीनामा दिल्यानंतर उपसरपंच पदाच्या निवडीसाठी बैठक आयोजित करण्यात आली होती. बैठकीच्या अध्यक्षस्थानी सरपंच हनुमंत जगदाळे होते. यावेळी उपसरपंच पदासाठी केवळ राजेंद्र पवार यांचा एकमेव अर्ज आला होता. यावेळी माजी सरपंच रवींद्र खोमणे, मावळत्या उपसरपंच आशाबी सय्यद, माजी उपसरपंच लता नलवडे, आबा पडळकर, दिव्यभारती खोमणे, ग्रामपंचायत सदस्य मोहन भगत, सुनीता खोमणे, वनिता निकम उपस्थित होते. ग्रामविकास अधिकारी राजेंद्र शिंदे यांनी निवडणूक अधिकारी म्हणून काम पाहिले.
निवडीनंतर बोलताना उपसरपंच राजेंद्र पवार म्हणाले की सतीशमामा खोमणे यांनी टाकलेल्या विश्वासाला पात्र राहून गावच्या सर्वांगीण विकासासाठी काम करण्याचा प्रयत्न करेन.
By
