प्रतिनिधी.
महाराष्ट्र शासनाच्या रोजगार व कौशल्य विकास आणि उद्योजकता केंद्र या आणि मुगुटराव साहेबराव काकडे महाविद्यालय सोमेश्वर नगर यांच्या संयुक्त विद्यमाने नुकताच मुगुटराव साहेबराव काकडे महाविद्यालयांमध्ये जिल्हास्तरीय रोजगार महामेळावा संपन्न झाला यामध्ये जिल्ह्यातील विविध भागातील एकूण वीस कंपन्यांनी सहभाग नोंदवला आणि एकूण 357 उमेदवारांनी मुलाखती दिल्या त्यापैकी 152 उमेदवारांना या मेळाव्यामध्ये नोकरी मिळाली आहे. रोजगार महामेळाचे उद्घाटन माजी विद्यार्थी आर. एन. शिंदे सभागृहामध्ये पार पडले. महामेळाव्यासाठी उद्घाटक म्हणून प्रसिद्ध उद्योजक आर. एन. बापू उपस्थित होते. तर प्रमुख पाहुणे म्हणून महाविद्यालयाच्या विकास समितीचे चेअरमन अभिजीत काकडे देशमुख व्यासपीठावर उपस्थित होते. उद्घाटन समारंभाच्या अध्यक्षस्थानी महाविद्यालयाचे प्राचार्य देविदास वायदंडे होते. उद्घाटन कार्यक्रमासाठी व्यासपीठावर उपस्थित असलेल्या पाहुण्यांमध्ये व्यवस्थापन समितीचे सचिव सतीश लकडे, महाराष्ट्र शासनाच्या वतीने कौशल्य विकास अधिकारी राजेश धर्माधिकारी, रामेश्वरी पालवी, श्री राजू डोईफोडे, अजय रणदिवे उपस्थित होते. अध्यक्षीय मनोगत व्यक्त करत असताना महाविद्यालयाचे प्राचार्य डॉ. देविदास वायदंडे यांनी सध्याच्या काळात युवकांसमोरील असलेली आव्हाने आणि नोकऱ्यांचे घटते प्रमाण लक्षात घेता अशा रोजगार मेळाव्यांची गरज आणि महत्व अधोरेखित केले आणि भविष्यातही महाविद्यालयातर्फे असे महामेळावे आयोजित करण्यासाठी आवश्यक त्या सुविधा पुरविल्या जातील असे सांगितले. महाराष्ट्र शासनाचे कौशल्य विकास अधिकारी श्री. राजेश धर्माधिकारी यांनी आपले आपले मनोगत व्यक्त करत असताना शासन ग्रामीण भागातील युवकांना नोकऱ्या देण्यासाठी प्रयत्नशील असून युवकांनी आपल्या अंगी व शक्ती पात्रता आणि कौशल्य निर्माण करावीत तरच त्यांना नोकरीच्या संधी उपलब्ध होतील असे आवाहन केले तसेच शासनाकडून जिल्ह्याच्या आणि महाराष्ट्राच्या विविध विभागात असे मिळावे आयोजित केले जात असल्याचे सांगितले. कार्यक्रमाचे प्रास्तविक रोजगार मेळाव्याचे समन्वयक प्रा. राहुल खरात यांनी केले तर सूत्रसंचालन प्रा. अच्युत शिंदे यांनी केले तर आभार प्रदर्शन प्रा. आरती भाग यांनी केली. या कार्यक्रमाच्या उद्घाटन प्रसंगी महाविद्यालयातील सर्व शिक्षक शिक्षकेतर कर्मचारी आणि सेवक उपस्थित होते.
