मुख्य मजकुरावर जा
ताजा बातम्या
Saturday, 21 November 2026

M NEWS MARATHI
संपादक : मधुकर बनसोडे
9604752782 mnewsmarathi00@gmail.com
माझा जिल्हा

निरा–बारामती मार्गावरील एसटी चालकांच्या गैरवर्तनाच्या तक्रारी; कारवाईची मागणी

mnewsmarathi 11 Aug 2026 1 मिनिट वाचन 9,967 वाचन

प्रतिनिधी

मानवाधिकार संरक्षण समितीचे बारामती आगार व्यवस्थापकांना निवेदन

निरा–बारामती मार्गावर सेवा देणाऱ्या काही एसटी बसचालकांकडून प्रवाशांशी उद्धट वर्तन, अरेरावीची भाषा तसेच बस चालविताना नियमांचे उल्लंघन होत असल्याच्या तक्रारी समोर आल्या आहेत. या प्रकाराची चौकशी करून संबंधित चालकांवर आवश्यक ती कारवाई करावी, अशी मागणी पुणे जिल्हा मानव अधिकार संरक्षण समितीने बारामती आगार व्यवस्थापकांकडे निवेदनाद्वारे केली आहे.

निवेदनानुसार, बारामती आगाराच्या निरा–बारामती मार्गावर कार्यरत असलेल्या काही स्थानिक चालकांकडून प्रवाशांशी वारंवार उद्धटपणे बोलणे, रस्त्यामध्ये विनाकारण बस थांबवून वाद घालणे तसेच प्रवाशांना त्रासदायक ठरेल अशा पद्धतीने बस चालविण्याच्या तक्रारी आहेत. विशेषतः कोऱ्हाळे, निंबूत व सोमेश्वर परिसरातील काही प्रवाशांना अशा प्रकारच्या अनुभवांना सामोरे जावे लागत असल्याचे निवेदनात नमूद करण्यात आले आहे.

प्रवाशांनी वरिष्ठ अधिकाऱ्यांकडे तक्रार केल्यानंतरही त्यांना कथितरीत्या ‘जे करायचे ते करा’ अशा प्रकारची उद्धट उत्तरे दिली जात असल्याचा आरोपही निवेदनातून करण्यात आला आहे. सार्वजनिक वाहतूक सेवा ही सर्वसामान्य नागरिकांसाठी असून, एसटी महामंडळाच्या सेवा नियमांनुसार प्रवाशांशी नम्र, सभ्य व शिस्तबद्ध वर्तन करणे प्रत्येक चालकाचे कर्तव्य असल्याचे समितीने म्हटले आहे.

समितीच्या प्रमुख मागण्या

निरा–बारामती मार्गावरील संबंधित चालकांची चौकशी करून आवश्यकतेनुसार त्यांची इतर मार्गावर बदली करावी.

सकाळी ७ ते ११ या वेळेत निरा ते सोमेश्वर मार्गावरील प्रत्येक अधिकृत बसस्थानकावर प्रवासी असताना बस थांबविण्याची स्पष्ट सूचना सर्व चालकांना द्यावी.

प्रवाशांशी उद्धट वर्तन करणाऱ्या चालकांवर शिस्तभंगाची कारवाई करावी तसेच वरिष्ठ अधिकाऱ्यांमार्फत अचानक तपासणी (Surprise Inspection) करण्यात यावी.

भविष्यात अशा प्रकारच्या तक्रारींची पुनरावृत्ती होणार नाही, याची दक्षता घ्यावी.

निवेदनातील तक्रारींची गांभीर्याने दखल घेऊन १० ते १५ दिवसांच्या आत आवश्यक सुधारणा करण्यात याव्यात, अन्यथा प्रवाशांच्या वतीने शांततापूर्ण मात्र तीव्र आंदोलन करण्यात येईल, असा इशाराही समितीने दिला आहे. प्रवाशांच्या तक्रारींबाबत संबंधित प्रशासनाने योग्य ती कार्यवाही करावी, अशी मागणी करण्यात आली आहे.

लेखक

mnewsmarathi

M News Marathi