प्रतिनिधी – फिरोज भालदार
जिल्हा क्रीडा संकुल बारामती या ठिकाणी बारामती तालुकास्तरीय योगासन स्पर्धा पार पडल्या. यामध्ये वडगाव निंबाळकर मधील जनता शिक्षण संस्थेच्या स्वातंत्र्य विद्या मंदिर व कनिष्ठ महाविद्यालयातील दोन खेळाडूंची १७ वर्ष (मुले ) वयोगटातील जिल्हास्तरीय योगासन स्पर्धेसाठी निवड करण्यात आली आहे. जिल्हास्तरीय स्पर्धेसाठी पाच खेळाडूंची नियुक्ती करण्यात येते .
यामध्ये स्वातंत्र्यविद्या मंदिर या प्रशालेच्या इयत्ता नववीचे विद्यार्थी ओम संतोष यादव व स्वप्नील रुपेश जाधव या दोघांची निवड या पाच खेळाडूंच्या संघामध्ये करण्यात आली आहे . दोन्ही विद्यार्थ्यांचे जनता शिक्षण संस्थेचे सर्व पदाधिकारी व प्रशालेचे प्राचार्य हेमंत तांबे सर ,पर्यवेक्षक हेमंत बगनर सर व शिक्षक वर्ग यांनी विद्यार्थ्यांचे सत्कार व अभिनंदन केले. ओम यादव व स्वप्नील जाधव यांना स्वातंत्र्य विद्या मंदिर प्रशालेचे क्रीडाशिक्षक संजय झराड सर व निलेश दरेकर सर यांचे मोलाचे मार्गदर्शन लाभले.
स्वातंत्र्य विद्या मंदिर व कनिष्ठ महाविद्यालय मध्ये सतत खेळ, स्पर्धा परीक्षा , वार्षिक निकाल अशा विविध प्रकारच्या परीक्षेमध्ये , खेळांमध्ये महाविद्यालय अग्रेसर असते . वडगाव निंबाळकर ग्रामस्थ व पालकांकडून स्वातंत्र्य विद्या मंदिर या महाविद्यालयाचे कौतुक होत आहे .
By
