प्रतिनिधी.
सोमेश्वरनगर, ता. बारामती : श्री सोमेश्वर सहकारी साखर कारखाना लिमिटेडच्या पंचवार्षिक निवडणूक सन २०२६-३१ च्या पार्श्वभूमीवर सोमवार, दि. ७ सप्टेंबर २०२६ रोजी दुपारी ४ वाजता भव्य शेतकरी सभासद व कार्यकर्ता मेळाव्याचे आयोजन करण्यात आले होते. सहकार महर्षी चंदर अण्णा तावरे यांच्या अध्यक्षतेखाली हा मेळावा उत्साहात पार पडला.
यावेळी शेतकरी सभासद, कार्यकर्ते व पदाधिकाऱ्यांची मते जाणून घेण्यात आली. तसेच चंदर अण्णा तावरे, माजी आमदार संजय जगताप, माजी आमदार अशोकभाऊ टेकवडे, माजी चेअरमन रंजन काका तावरे, माजी मार्केट कमिटी अध्यक्ष दिलीप आप्पा खैरे, जिल्हाध्यक्ष किसान मोर्चा दिग्विजयजी काकडे, डॉ. नितीन सावंत यांच्यासह बारामती, पुरंदर, फलटण व खंडाळा तालुक्यातील विविध मोर्चा, आघाडी व मंडल अध्यक्षांशी सविस्तर चर्चा करण्यात आली.
या चर्चेनंतर भारतीय जनता पार्टी पुणे जिल्हाध्यक्ष शिखरजी वडणे यांनी श्री सोमेश्वर सहकारी साखर कारखान्याच्या आगामी निवडणुकीत भाजपकडून संपूर्ण पॅनेल उभे करून सर्वच्या सर्व जागा पूर्ण ताकदीने लढविण्याचा निर्णय जाहीर केला.
कारखान्याच्या निवडणुकीच्या पार्श्वभूमीवर भाजपने घेतलेल्या या निर्णयामुळे सोमेश्वर कारखाना निवडणुकीतील राजकीय वातावरण चांगलेच तापण्याची शक्यता आहे. शेतकरी सभासदांचे प्रश्न, कारखान्याचे हित आणि आगामी काळातील कारखान्याची दिशा या मुद्द्यांवर निवडणूक लढविण्याचा निर्धार यावेळी व्यक्त करण्यात आला. यावेळी कारखान्याचे आजी-माजी संचालक उपस्थित होते
निवडणूक लढवण्याचा निर्णय सर्व जिल्हाध्यक्ष तालुकाध्यक्ष वरिष्ठ पदाधिकारी यांच्या विचारातून सर्वांनामूर्ती घेण्यात आला त्यानंतर
मेळाव्यास शेतकरी सभासद, कार्यकर्ते, पदाधिकारी व विविध तालुक्यांतील भाजपचे पदाधिकारी मोठ्या संख्येने उपस्थित होते.
