प्रतिनिधी -फिरोज भालदार

वडगाव निंबाळकर येथे श्री संत सेना महाराज पुण्यतिथीनिमित्त नाभिक समाज व ग्रामस्थांच्या वतीने प्रतिमेचे पूजन करून भक्तिमय वातावरणात एकतरी मंडळाचे भजनाच्या कार्यक्रमाचे आयोजन करण्यात आले होते.

या कार्यक्रमात श्री संत सेना महाराज यांच्या कार्याचे स्मरण करून त्यांच्या विचारांना अभिवादन करण्यात आले. यावेळी भजनाच्या माध्यमातून उपस्थितांनी भक्तिमय वातावरणात श्री संत सेना महाराज यांच्या स्मृतींना अभिवादन करण्यात आले. ह्या कार्यक्रमाचे आयोजन वडगाव निंबाळकर श्री संत सावतामाळी मंदिरामध्ये करण्यात आले होते .

कार्यक्रमाला वडगाव निंबाळकर येथील नाभिक समाज बांधव तसेच ग्रामस्थ मोठ्या संख्येने उपस्थित होते. कार्यक्रमामुळे परिसरात भक्तिमय आणि उत्साहाचे वातावरण निर्माण झाले होते. समाजबांधवांनी एकत्र येत संत सेना महाराजांची पुण्यतिथी श्रद्धेने साजरी केली. यावेळी संत सेना महाराज ट्रस्ट यांच्या वतीने आलेल्या भाविकांसाठी व ग्रामस्थांसाठी महाप्रसादाचे आयोजन करण्यात आले होते .

या कार्यक्रमावेळी सोमेश्वर कारखाना संचालक शिवाजीराजे राजेनिंबाळकर , वडगाव निंबाळकर ग्रामपंचायत प्रशासक (सरपंच) सुनील ढोले , उपसरपंच संगीतभाभी शहा, माजी सभापती पंचायत समिती बारामती अविनाश (बाबा) शिंदे , बारामती पंचायत समिती सदस्य जितेंद्र पवार,नाभिक समाज बारामती तालुकाध्यक्ष धीरण पवार , संजय साळवे, राजूशेठ शहा, नानासाहेब मदने, रामभाऊ खंडाळे, काका राऊत,पांडुरंग पवार, भरत क्षीरसागर,जीवन बनकर आदी नाभिक संघटनेचे व संत सेना महाराज ट्रस्ट चे पदाधिकारी, सदस्य व ग्रामस्थ मोठ्या संख्येने उपस्थित होते. कार्यक्रमाची सांगता चंद्रकांत जाधव सर यांनी सर्वांचे आभार व्यक्त करून केले.