शिवराज्याभिषेक दिनाचे औचित्य साधून रत्नदीप पब्लिक स्कूल बस्तवडे शाखेचे उत्साह पूर्वक वातावरणात उद्घाटन.

 प्रतिनिधी

आज मंगळवार दिनांक 6 जून 2023 रोजी रत्नदीप पब्लिक स्कूल बस्तवडे येथे, सरपंच रघुनाथ चव्हाण व उपसरपंच अरुण भाऊ यांच्या हस्ते स्कूलचे उद्घाटन करण्यात आले. यावेळी उपस्थित मान्यवर सोसायटीचे माझे चेअरमन, ग्रामपंचायत सदस्य, ग्रामस्थ महिलाउपस्थित होते. उपस्थित मान्यवर आणि विद्यार्थी बालचमुनच्या हस्तेफीत कापून उद्घाटन समारंभ अगदी प्रसन्नपूर्वक वातावरणात पार पडला. यावेळी उपस्थित मान्यवरांच्या हस्ते छत्रपती शिवाजी महाराज आणि विश्वरत्न डॉ बाबासाहेब आंबेडकर त्यांचे प्रतिमा पूजन आणि दीप प्रज्वलन करून उद्घाटनाची सुरुवात झाली. उपस्थित मान्यवरांनी यावेळी शाळेच्या पुढील वाटचालीस शुभेच्छा दिल्या. शाळेचे चेअरमन श्री प्रवीण गोडबोले यांनी उपस्थित मान्यवरांचे स्वागत केले तसेच शाळेचे मुख्याध्यापक वृषाली धेंडे यांच्या मार्गदर्शनाखाली शिक्षक वृंदानी आयोजन अत्यंत कुशल पद्धतीने केलेली दिसून येते. नवीन शिक्षकांच्या हस्ते मुलांचे औक्षण आणि स्वागत समारंभ सोहळा पालकांच्या आणि मान्यवरांच्या उपस्थित पार पडला. यावेळी परिसरातील नागरिकांचा उस्फूर्त प्रतिसाद लाभला.

उपस्थित मान्यवर ग्रामस्थ आणि ग्रामपंचायत सरपंच उपसरपंच यांनी दिलेल्या शुभेच्छांचा स्वीकार करून रत्नदीप पब्लिक स्कूल बसतवडे मार्फत सर्वांचे मनःपूर्वक आभार.