प्रतिनिधी – फिरोज भालदार

बारामती तालुक्यातील वडगाव निंबाळकर पोलीस स्टेशनच्या हद्दीतील सर्व गणपती मंडळे, सर्व पोलीस पाटील तसेच सर्व ग्रामस्थ यांच्या संयुक्त विद्यमानाने सोमवार दि. ९ सप्टेंबर २०२४ रोजी सकाळी १० ते ५ या वेळेत वडगाव निंबाळकर पोलिस स्टेशन व वडगाव निंबाळकर अंकीत करंजेपुल पोलिस स्टेशन येथे रक्तदान शिबिर आयोजन करण्यात आले होते . सकाळ पासून रक्तदान शिबिरास उत्स्फूर्त प्रतिसाद मिळाला .

परिसरातील विविध गणेश मंडळ तसेच नागरिकांनी रक्तदान करत आपले कर्तव्य बजावले. वडगाव निंबाळकर पोलीस स्टेशन व सोमेश्वर पंचक्रोशी हद्दीतील रक्तदात्यांनी ‘रक्तदान हे श्रेष्ठदान’ अनुषंगाने रक्तदान करत उत्स्फूर्त प्रतिसाद मिळाला . या भव्य अश्या रक्तदान शिबिरामध्ये ३५१ रक्तदात्यांनी आपले रक्तदान करून आपला हक्क बजावला . रक्तदान शिबिरासाठी वडगाव निंबाळकर पोलीस स्टेशन चे सहायक पोलिस निरीक्षक सचिन काळे व त्यांच्या पूर्ण स्टाफ यांनी या रक्तदान शिबिरासाठी मोलाचे सहकार्य केले .