बारामती ! राष्ट्रीय डॉजबॉल स्पर्धेत महाराष्ट्राला तिहेरी मुकुट ; बारामतीच्या खेळाडूंनी मारली बाजी .

प्रतिनिधी – फिरोज भालदार

कर्नाटक राज्यात झालेल्या राष्ट्रीय डॉजबॉल स्पर्धेत महाराष्ट्र राज्य पुरुष संघाने अप्रतिम खेळ करत छत्तीसगड, गोवा, बिहार, कर्नाटक, पुदुचेरी सह अंतिम फेरीत हरीयाणाचा पराभव करत सुवर्णपदकावर नाव कोरून विजेतेपद प्राप्त करत सुवर्णपदक प्राप्त केले. तसेच महाराष्ट्र महिला संघाने रौप्यपदक मिळवले असुन संमिश्र संघाने कास्यपदक पटकावत तिहेरी यश संपादन केले.

या संघात खेळाडू म्हणून सामाजिक कार्यकर्ते मुनिर तांबोळी यांचे चिरंजीव बारामतीचे आयान मुनिर तांबोळी यांच्यासह सिद्धेश दरेकर, हर्ष यादव, रणवीर गुळूमकर तसेच बारामतीची महिला संघाची खेळाडू प्रतिनिधी मेहरूनीसा तसलिम शेख हिने संघाचे उपकर्णधारपद निभावले. या बारामतीच्या सर्व खेळाडूंनी भाग घेऊन महाराष्ट्राचे प्रतिनिधित्व करून उत्तम खेळाडू म्हणून महाराष्ट्र राज्य संघास प्रथम सुवर्णपदक तसेच रौप्यपदक व संमिश्र संधाने कास्यपदक मिळवून दिले. राष्ट्रीय डॉजबॉल स्पर्धेत महाराष्ट्राला तिहेरी मुकुट मिळवून देत मानाचा तुरा रोवला. डॉजबॉल संघाने बारामतीचे नावलौकिक केले.या सर्व खेळाडूंवर नागरिकांकडून अभिनंदनचा वर्षाव होत आहे.