प्रतिनीधी :
सार्वत्रिक ग्रामपंचायत निवडणुक निकाल जाहीर झालेल्या बारामती तालुक्यातील १३ पैकी बहुसंख्य ग्रामपंचायतीत सत्तांतर झालेले दिसून आले. प्रस्थापितांच्या विरोधात लोकांनी विशेष करून तरुणांनी बदलाच्या दिशेने कल झुकवलेला दिसून आला. त्यामध्ये सोरटेवाडी ग्रामपंचायत सत्ताधारी सोरटेवाडी ग्रामविकास पॅनेलने सर्व ९ जागांसह *सरपंचपद* स्वतःकडे राखण्यात यश मिळवले आहे. मात्र काहीशाच मतांनी उमेदवार निवडून आल्याने अपवाद सोरटेवाडी ग्रामविकास पॅनेलचा उमेदवार *श्री.अमोल गंगाधर सोरटे* याने वॉर्ड क्रमांक १ मधून विक्रमी मताधिक्य घेऊन सर्वांच्या चेहऱ्यावर हास्याची लहर उमटविली . पॅनेलच्या सर्व प्रमुखांनी मात्र गुलाल , मिरवणुकी काढण्यास मनाई केली. सर्वात महत्वाचे म्हणजे गेल्या वेळीचे सत्ताधारी , विरोधक या सर्वांनी एकत्रित येत गावचा पॅनेल उभा केला असताना देखील विरोधी पॅनेलप्रमुख श्री . राजीव लक्ष्मण सोरटे यांनी सर्वच जागांवर विजयासाठी घाम फोडला . गेल्या पंचवार्षिक निवडणुकीत मतांचे अर्धशतकही न फोडलेल्या राजीव सोरटे अवघ्या काहीशा मतांनी विरोधी उमेदवाराकडून सरपंदासाठी पराभव झालेला आहे. पराभवानंतर देखील पराजितांनी फटाके गुलाल उधळून आनंद साजरा केला हे विशेष !
