प्रतिनिधी – फिरोज भालदार
बारामती तालुक्यातील वडगाव निंबाळकर येथील राजे उमाजी नाईक चौक या ठिकाणी मागील वीस दिवसांपूर्वी गावांची दिशा दर्शविणारा फलक पडला आहे . मात्र या फलकाकडे संबंधित प्रशासनाचे दुर्लक्ष होत असल्याचे चित्र दिसून येत आहे . हा फलक ( बोर्ड ) मूळ निरा – बारामती रोडवर असून या रोडवरून या चौकातून चार रस्ते फुटत आहेत आणि हे आतील गावांचे रस्ते आहेत. हा फलक पडल्याने नागरिकांना गावे शोधण्यासाठी दिशाभूल होताना दिसत आहे .
ह्या गावांची दिशा दर्शविणारा फलक पडल्याने बाहेरील गावावरून येणाऱ्या नागरिकांना हे रस्ते कुटे जात आहेत हे माहीत पडत नसल्याने बाहेरून येणाऱ्या नागरिकांची दिशाभूल होत आहे . हा फलक पडला आहे म्हणून संबंधित पी डब्ल्यू डी प्रशासनाला वारंवार सांगून देखील याकडे दुर्लक्ष होत आहे . नागरिकांची दिशाभूल होत असल्याने हा फलक लवकरात लवकर दुरुस्त करावा अशी वडगाव निंबाळकर ग्रामस्थ संबंधित प्रशासनाकडे मागणी करत आहेत .
