रक्तदान करुन वाढदिवस साजरा व पुलवामा हल्ल्यातील हुतात्म्यांना आदरांजली

कोरोना काळात व जम्मु-काश्मिर येथे आयोजित सिंदूर महारक्तदान शिबिरात आरोग्यदुत श्री.कृष्णमुर्ती जगताप यांचा सक्रिय सहभाग

बारामती – वैद्यकिय,सामाजिक, शैक्षणिक,पत्रकारीता क्षेत्रात कार्यरत असणारे व नुकताच आदर्श पत्रकार पुरस्कार मिळालेले श्री.कृष्णमुर्ती जगताप यांनी त्यांचा वाढदिवस मोठ्या उत्साहात साजरा न करता स्वतः रक्तदान करून व पुलवामा हल्ल्यात मृत्युमुखी पडलेल्या जवानांना आदरांजली वाहुन गिरिजा ब्लड बँक,बारामती येथे रक्तदानाने साजरा केला.कोरोना काळात तसेच मागील वर्षी पहलगाम येथे झालेल्या हल्ल्यात जवानांसाठी रक्ताचा तुटवडा निर्माण झाला होता त्यावेळी जम्मु-काश्मिर येथे पैलवान चंद्रहार पाटील यांनी सैनिकांसाठी आयोजित केलेल्या सिंदूर महारक्तदान शिबिरात कृष्णमुर्ती जगताप यांनी जम्मु-काश्मिर येथे जाऊन रक्तदान केले.आजपर्यंत त्यांनी स्वतः एकवीस वेळा रक्तदान केले आहे.रक्तदान केल्याने चार रुग्णांचा जीव वाचत असल्यामुळे रक्तदानाचा हा संकल्प कायम ठेवणार तसेच रक्तदानाबाबत जनजागृती व रक्तदानाची माहिती सर्वांपर्यंत पोहोचवणार असल्याचे आरोग्यदुत श्री.कृष्णमुर्ती जगताप यांनी सांगितले.यावेळी ब्लड बँकेतील डाॅक्टर, नर्स,स्टाफ व मित्रमंडळी उपस्थित होते.