मुख्य मजकुरावर जा
ताजा बातम्या
Sunday, 22 November 2026

M NEWS MARATHI
संपादक : मधुकर बनसोडे
9604752782 mnewsmarathi00@gmail.com
ताज्या बातम्या

बारामती! वडगाव निंबाळकरमध्ये SIR सुनावणीला सुरुवात; नोटीसधारक ग्रामस्थांच्या कागदपत्रांची पडताळणी.

mnewsmarathi 28 Sep 2026 1 मिनिट वाचन 5,033 वाचन

प्रतिनिधी- फिरोज भालदार

SIR प्रक्रियेंतर्गत ज्या ग्रामस्थांना त्रुटींबाबत नोटिसा प्राप्त झाल्या आहेत अशा ग्रामस्थांच्या कागदपत्रांची पडताळणी करून सुनावणी घेण्याचे काम सुरू आहे. निवासी नायब तहसीलदार बारामती नामदेवराव काळे यांच्या उपस्थितीत वडगाव निंबाळकर ग्रामपंचायत कार्यालयात ही सुनावणी प्रक्रिया पार पडत आहे.

वडगाव निंबाळकर ग्रामपंचायत कार्यालय येथे २८ व २९ सप्टेंबर रोजी सकाळी ९ ते दुपारी १२ वाजेपर्यंत सुनावणीचे आयोजन करण्यात आले आहे. यावेळी तलाठी कार्यालयाचे तलाठी किरण रंधवे यांच्यासह वडगाव निंबाळकर हद्दीतील सर्व BLO उपस्थित होते. संबंधित BLO यांनी त्यांच्या मतदार यादीतील त्रुटी असलेल्या ग्रामस्थांना आवश्यक कागदपत्रांसह सुनावणीसाठी उपस्थित केले.

वडगाव निंबाळकर गावातील मतदार यादीचे एकूण सहा भाग करण्यात आले आहेत. त्यापैकी २८ सप्टेंबर रोजी तीन भागांतील ग्रामस्थांची सुनावणी घेण्यात आली असून, उर्वरित तीन भागांतील ग्रामस्थांची सुनावणी २९ सप्टेंबर रोजी घेण्यात येणार असल्याची माहिती सुनावणी अधिकारी नामदेवराव काळे यांनी दिली.

SIR प्रक्रियेंतर्गत ज्यांची सुनावणी अद्याप बाकी आहे अशा ग्रामस्थांनी संबंधित नोटिसीमध्ये नमूद केलेली आवश्यक कागदपत्रे घेऊन वेळेत उपस्थित राहून आपल्या कागदपत्रांची पडताळणी करून घ्यावी असे आवाहन सुनावणी अधिकारी नामदेवराव काळे यांनी केले आहे.

लेखक

mnewsmarathi

M News Marathi