प्रतिनिधी
मागासवर्गीय मुलींचे शासकीय वसतिगृह, खडकवासला (जि. पुणे) या १०० मुलींच्या वसतिगृहासाठी सर्व सोयींनी युक्त इमारत भाड्याने घेण्यात येणार असून खासगी इमारत भाड्याने देऊ इच्छिणाऱ्या इमारत मालकांना संपर्क साधण्याचे आवाहन करण्यात आले आहे.
इमारतीचे क्षेत्रफळ साधारणपणे 10 हजार ते 12 हजार चौरस फूट असावे. इमारत खडकवासला मतदार संघात असावी. शासन नियमानुसार तसेच सार्वजनिक बांधकाम विभागाने मंजूर केलेल्या दरानुसार भाडे घेण्यास तयार असलेल्या इमारत मालकांनी संपर्क साधावा. इच्छुक इमारत मालकांनी पाचशे रूपयाच्या बंधपत्रावर मालकाचे इमारत भाड्याने देण्याबाबत संमतीपत्र, इमारतीचा तपशील, खोल्या, स्वच्छतागृह, स्नानगृहे, विजेची व्यवस्था, पाण्याची व्यवस्था, आरोग्य व सुरक्षेच्या व्यवस्था आदी बाबी नमूद कराव्यात.
इच्छुकांनी सहायक आयुक्त समाजकल्याण, डॉ. बाबासाहेब आंबेडकर सामाजिक न्याय भवन सर्व्हे क्रमांक १०४/१०५, विश्रांतवाडी पोलीस ठाण्यासमोर समोर, येरवडा, पुणे-६ (दूरध्वनी ०२०-२९७०६६११) येथे संपर्क साधावा, असे आवाहन समाज कल्याणचे सहायक आयुक्त कैलास आढे यांनी केले आहे.
