पुणे जिल्ह्यातील युरिया व डीएपी खताचा संरक्षित साठा मुक्त

प्रतिनिधी

पुणे जिल्ह्यात खरीप हंगामात शेतकऱ्यांना खताची टंचाई भासू नये याकरिता युरिया खताचा २७२२.६५० व डीएपी खताचा ९१२.२०० मे. टन संरक्षित साठा करण्यात आला आहे. संरक्षित साठ्या मधून १०० टक्के डीएपी व ५० टक्के युरिया जिल्हाधिकारी यांच्या मान्यतेने वितरित करण्यास मान्यता मिळाली आहे, अशी माहिती जिल्हा अधीक्षक कृषि अधिकारी संजय काचोळे यांनी दिली आहे.

जिल्ह्यातील तालुका निहाय मुक्त केलेला संक्षित साठा (मे.टन मध्ये): आंबेगाव – युरीया ११६.१०० मे. टन, डी.ए.पी. ५०.२०० मे. टन, मुळशी – युरीया ५४.९००, डी.ए.पी. ३०, जुन्नर – युरीया १०१.२५०, डी.ए.पी. ८५, मावळ- युरीया १६२.९००, डी.ए.पी. ५५, खेड – युरीया ११४.०७५, डी.ए.पी. ७८, शिरुर- युरीया १२५.७७५, डी.ए.पी. १००, दौंड – युरीया १६४.४७५, डी.ए.पी. १०१, पुरंदर – युरीया ७४.७००, डी.ए.पी. ५३, हवेली युरीया ३९.६००, डी.ए.पी. २०, भोर- युरीया ७५, डी.ए.पी. ४९, वेल्हा- युरीया ४०.९५०, डी.ए.पी. २०, इंदापूर -युरीया १४१.९७५, डी.ए.पी. १४४ आणि बारामती तालुका युरीया १४९.६२५ आणि डी.ए.पी. १२७ इतका संरक्षित साठा मुक्त करण्यात आला आहे.

जुलै महिन्यामध्ये जिल्ह्यातील पश्चिमेकडील पट्ट्यामधील भात लागवड सुरू असल्याने व जिल्ह्यातील उर्वरित भागात पाऊस सुरू झाल्याने खरीप पेरण्याची कामे चालू असून खताची मागणी वाढत असून त्यादृष्टीने वितरण व्यवस्था करण्यात येणार असल्याचेही कळविण्यात आले आहे