प्रतिनिधी – फिरोज भालदार
बारामती तालुक्यातील सोमेश्वर करंजे येथील प्रसिद्ध श्री क्षेत्र सोमेश्वर मंदिर येथे श्रावण मास यात्रा ही एक महिना असते या यात्रेनिमत्त स्वयंभू शिवलिंगाचे दर्शन घेण्यासाठी महाराष्ट्रातील विविध भागातून भाविक येत असतात . शेवटचा श्रावणी सोमवार यानिमित्ताने भाविकांसाठी मोठ्याप्रमाणात महाप्रसादाचे आयोजन करण्यात आले होते . सर्व भाविकांनी महाप्रसादाचा लाभ व आनंद घेतला .
शेवटचा श्रावणी सोमवार असल्याने दर्शनासाठी भाविकांची गर्दी होत असते यासाठी वडगाव निंबाळकर पोलिसांचा बंदोबस्त ठेवण्यात आला होता . यामध्ये वैद्यकीय विभाग यांनी देखील श्रावण महिन्यामध्ये भाविकांसाठी वैद्यकीय ( प्रथमोपचार ) सुविधा ठेवण्यात आली होती . सोमेश्वर मंदिर देवस्थान ट्रस्ट यांच्याकडून संपुर्ण महिन्यामध्ये भाविकांची गैरसोय होणार नाही याची काळजी चांगल्याप्रकारे घेण्यात आली .
