सोमेश्वरनगर – प्रतिनिधी
माजी केंद्रीय कृषिमंत्री शरद पवार यांच्या सुविद्य पत्नी प्रतिभाकाकी पवार सदोबाचीवाडी येथील जेष्ठ पर्बतराव होळकर यांच्या घरी येतात व होळकर यांचा चिमुकल्या पणतू सोबत गप्पांत दंग होतात. होळकर कुटुंबीय मात्र काकींच्या या प्रेमळ भेटीने भारावून जातात.
एकीकडे तालुक्यात विधानसभेच्या प्रचाराचा धुराळा उडाला असताना सदोबाच्यावाडीत मात्र ही स्नेहभेट आपुलकी व जिव्हाळा वाढवणारी ठरावी अशी आहे. येथील पर्बतराव होळकर हे प्रतिष्ठित शेतकरी व जेष्ठ आहेत. शरद पवारांचे आणि त्यांचे ही जुने ऋणानुबंध आहेत. काकी घरी आल्याने घर अगदी गजबजून गेले होते. काकींनी घरातील सर्व सदस्यांची आस्थेवाईकपणे विचारपूस केली. काकी व पर्बतराव होळकर होळकर यांच्या पत्नी लक्ष्मीबाई यांच्या गप्पा बराच वेळ रंगल्या होत्या. ही भेट व अनौपचारिक गप्पा मात्र जिव्हाळ्याच्या होत्या.
राजकारणापलीकडील ही भेट सहृदयी ठरावी अशी होती. काकींच्या भेटीने सदोबाचीवाडी मात्र भारावून गेली होती.
