प्रतिनिधी – फिरोज भालदार
बारामती तालुक्यात विधानसभा निवडणूकीला सर्व पक्षांकडून जोर असताना दिसला . आता मात्र सर्वांचे लक्ष्य निकालावर लागले आहे . यातच बारामती तालुक्यात सर्वत्र अजित पवार यांचे आमदार पदी निवड झाल्याबद्दल व फिक्स मुख्यमंत्री असे शुभेच्छांचे बॅनर लागलेले दिसत आहेत.
यावेळी विधानसभा निवडणुकीत देखील पवार विरुद्ध पवार अशी लढत होताना दिसत आहे . यामध्ये कोणते पवार विजयाची बाजी मारणार याकडे मतदारांचे लक्ष्य लागले आहे . बारामती तालुक्यात सर्वत्र घड्याळ आणि तुतारी वाजवणारा माणूस यांचा प्रचार जास्त होताना दिसला .
आता मतदार कोणाला निवडून देणार ? बारामती मतदार संघाचा आमदार कोण होणार? याकडे सर्व मतदारांचे लक्ष्य वेधून घेतले आहे. बारामती तालुक्यातील खंडोबाची वाडी या ठिकाणी देखील अजित पवार गटाच्या कार्यकर्त्यांनी अजित पवार फिक्स आमदार अशा आशयाचे अनेक बॅनर लावल्यामुळे निकालाच्या अगोदरच एक दिवस कार्यकर्त्यांमध्ये जल्लोषाचे वातावरण निर्माण झाले आहे.यामध्ये निकलापूर्वीच बारामती तालुक्यातील सर्व गावांमध्ये अजित पवार यांचे मोबाईलवर विजयाचे स्टेटस , गावोगावी शुभेच्छांचे बॅनर लागल्याचे दिसत आहे.
