प्रतिनिधी.
बारामती तालुक्यातील वडगाव निंबाळकर येथे रायझिंग स्टार इंग्लिश मीडियम स्कूल मध्ये दिनांक १५ फेब्रुवारी रोजी वार्षिक स्नेहसंमेलन कार्यक्रम पार पडला . यावेळी कार्यक्रमाच्या अध्यक्षस्थानी वडगाव निंबाळकर पोलीस स्टेशन चे पोलिस उपनिरीक्षक दिलीप सुतार , वडगाव निंबाळकर ग्रामपंचायत सरपंच सुनील ढोले , सोमेश्वर कारखाना संचालक सुनील भगत यांच्या हस्ते सरस्वती पूजन व दीप प्रज्वलन करण्यात आले . यावेळी आलेल्या मान्यवरांचे शाल व झाड देऊन स्वागत करण्यात आले .
रायझिंग स्टार इंग्लिश मीडियम स्कूल मध्ये पार पडलेल्या विविध कार्यक्रमांमध्ये स्कूल च्या विद्यार्थ्यांच्या कलागुणांना वाव मिळावा यासाठी स्कूलच्या वतीने विद्यार्थ्यांचा सन्मानचिन्ह देऊन सत्कार करण्यात आला . या कार्यक्रमामध्ये लहान चिमुकल्यांनी आपली कला सादर केली कार्यक्रमाला आलेले पालक, ग्रामस्थ यांनी या चिमुकल्यांच्या कार्यक्रमाला भरभरून प्रतिसाद दिला . कार्यक्रमाचे आयोजन रायझिंग स्टार इंग्लिश मीडियम स्कूल च्या अध्यक्ष , चेअरमन व शिक्षक , शिक्षिका यांनी चांगल्या रित्या केले हा कार्यक्रम पार पाडला आलेल्या पालक , ग्रामस्थ व मान्यवरांचे वतीने चिमुकल्यांचे व प्रशालेचे कौतुक करण्यात आले.
यावेळी रायझिंग स्टार इंग्लिश मीडियम स्कूल चे अध्यक्ष कांचन काटे , चेअरमन माधव काटे , एस टी कामगार संघटना बारामती तालुका अध्यक्ष श्रीनाथ शेलार , पळशी सरपंच माणिक काळे , अलका भंडलकर , नानासाहेब मदने,
पत्रकार सुनील जाधव ,पत्रकार अमोल गायकवाड , प्रेमलता रांगोळे, जितेंद्र पवार आदी मान्यवर उपस्थित होते.
कार्यक्रमाचे सूत्र संचालन दीपाली चव्हाण यांनी केले व आभार कांचन काटे यांनी मानले .
By
