प्रतिनिधी – फिरोज भालदार

जातीवाचक शिवीगाळ करून सार्वजनिक ठिकाणी अपमानित करणे तसेच जीवे मारण्याची धमकी दिल्याप्रकरणी वडगाव निंबाळकर पोलीस ठाण्यात दोन जणांविरुद्ध अनुसूचित जाती व अनुसूचित जमाती (अत्याचार प्रतिबंध) कायद्यांतर्गत गुन्हा दाखल करण्यात आला आहे. ही घटना दि. ५ ऑगस्ट २०२६ रोजी सायंकाळी ५:३० वाजण्याच्या सुमारास मोराळवाडी (ता. बारामती) येथील जिल्हा परिषद शाळे समोर घडली.

मिळालेल्या माहितीनुसार दि. ५ ऑगस्ट रोजी सायंकाळी ५:३० वाजण्याच्या सुमारास जिल्हा परिषद शाळेच्या परिसरात आरोपींनी फिर्यादी यांना जातीवाचक शिवीगाळ करत सार्वजनिक ठिकाणी अपमानित केले. तसेच हातात दगड घेऊन दमदाटी करत जीवे मारण्याची धमकी दिली.

मोराळवाडी येथील फिर्यादी यांनी दिलेल्या तक्रारीवरून आरोपी निलेश हनुमंत मासाळ आणि राहुल हनुमंत मासाळ दोघे रा. मोराळवाडी, ता. बारामती, जि. पुणे यांच्याविरुद्ध अनुसूचित जाती व अनुसूचित जमाती (अत्याचार प्रतिबंध) अधिनियम कलम ३(१)(r), ३(१)(s), ६ सह भारतीय न्याय संहिता (BNS) कलम ३५२, ३५१(२), २९६ आणि ३(५) अन्वये गुन्हा दाखल करण्यात आला आहे.
सदर गुन्ह्याचा पुढील तपास बारामती विभागाचे उपविभागीय पोलीस अधिकारी करत आहेत.