प्रतिनिधी

लोणंद पोलीस ठाणेचे प्रभारी सुशील भोसले, सहाय्यक पोलीस निरीक्षक व त्यांचे गुन्हे प्रकटीकरण शाखेने माहे ऑक्टोबर 2024 मध्ये बुद्धी कौशल्याचा वापर करून व गोपनीय माहितीच्या आधाराने लोणंद पोलीस ठाणे, भुईंज पोलीस ठाणे, फलटण शहर पोलीस ठाणे, खंडाळा पोलीस ठाणे हद्दीतील घरफोडी, जबरी चोरी, मोटरसायकल चोरी, इलेक्ट्रिक मोटर चोरी व इतर चोरीचे एकूण 22 गुन्हे उघड करून त्यातील चोरीस गेलेला एकूण 6,85,700/-रुपये किमतीचा मुद्देमाल जप्त केला असून संपूर्ण सातारा जिल्ह्यामध्ये सर्वोत्तम कामगिरी केल्याबद्दल मा.पोलीस अधीक्षक समीर शेख, मा.अप्पर पोलीस अधीक्षक वैशाली कडुकर मॅडम यांनी प्रशस्तीपत्र व रोख बक्षीस देऊन गौरविण्यात आले आहे.