प्रतिनिधी
नवले पूल परिसरात व्यावसायिकाची मोटार अडवून एक कोटी रुपयांची लूट प्रकरणात नऱ्हे पोलिसांनी तोतया पत्रकाराला अटक केली. या प्रकरणात ग्रामीण पोलीस दलातील राजगड पोलीस ठाण्यांतर्गत असलेल्या खेड शिवापूर पोलीस चौकीतील महिला पोलीस हवालदारासह पोलीस शिपायाला सहआरोपी करण्यात आले आहे.
व्यावसायिक मोटारीतून खेड शिवापूर पोलीस चौकीत आला. तेव्हा महिला पोलीस हवालदार आणि तोतया पत्रकार तिवारीने व्यावसायिकाच्या पिशवीतील २० लाख रुपये काढून घेतले. या प्रकाराची माहिती राजगड पोलीस ठाण्याचे पोलीस निरीक्षक संतोष जाधव यांना मिळाली. त्यानंतर हे प्रकरण उघडकीस आले. तिवारी याने २० लाखांची रोकड दुचाकीच्या डिक्कीत ठेवली होती. खेड शिवापूर पोलीस चौकीत सीसीटीव्ही कॅमेरे नाहीत.
पण, तिवारी याने एका हाॅटेलसमोर दुचाकी लावून डिक्कीत पैसे ठेवल्याचा प्रकार सीसीटीव्ही कॅमेऱ्यांनी टिपला होता. याबाबतचा गोपनीय अहवाल पोलीस निरीक्षक जाधव यांनी पोलीस अधीक्षक संदीपसिंग गिल यांच्याकडे पाठविला. नवले पूल परिसरात ही घटना घडल्यानंतर या प्रकरणी नऱ्हे पोलिसांनी गुन्हा दाखल केला होता. नऱ्हे पोलिसांकडे हे प्रकरण तपासासाठी आल्यानंतर ही कारवाई करण्यात आली.
By
