प्रतिनिधी
“काळूस ता. खेड येथील शेतकऱ्यांनी १५ ऑगस्ट२०२४ पासून शेतजमिनीवरील बेकायदेशीर पुनर्वसणाचे शिक्के काढून सातबारा कोरा करण्यासाठीसुरू केलेल्या बेमुदत’अमरण उपोषण”आंदोलनास भेट देऊन आम आदमी पक्षाचे प्रदेश युवा अध्यक्ष-श्री मयूर दौंडकर यांनी दिलेजाहीर पाठिंब्याचे पत्र!”
खेड तालुक्यातील काळुस येथील शेतकऱ्यांच्या शेतजमिनीवर चासकमान धरण पुनर्वसन अंतर्गत गेल्या ४०वर्षापासून बेकायदेशीर रित्या पुनर्वसनाची शिक्के टाकले आहेत.
शेत जमिनीवर टाकलेले बेकायदेशीर पुनर्वसनाचे शिक्के काढून सातबारा कोरा करण्यासाठी येथील शेतकरी वेगवेगळ्या मार्गाने प्रयत्न करत आहे. १५ ऑगस्ट२०२४ स्वातंत्र्य दिना पासून येथील शेतकरी आपल्या मागणीसाठी बेमुदत आमरण उपोषण आंदोलनास बसले आहेत. या आंदोलनास आंदोलन स्थळी जाऊन आम आदमी पक्षाचे प्रदेश युवा अध्यक्ष श्री. मयूर दौंडकर यांनी आंदोलनकर्त्यांची भेट घेऊन, त्यांच्याशी त्यांच्या प्रश्नासंदर्भातचर्चा केली ,चौकशी करून विचारपूस केली. आणि त्यांच्या प्रश्न समजून घेतला. व आंदोलनकर्त्यांना आम आदमी पक्षांच्या वतीने जाहीर पाठिंबाचे पत्र दिले.
उपोषणकर्त्यांची मागणी न्याय असून त्यांच्यावर झालेला अन्यायावर शासनाने वेळीच लक्ष देऊन दूर केला पाहिजे. अशी भूमिका श्री. मयूर दौडकर यांनी त्यांच्यासमोर मांडली. आपण करीत असलेल्या आंदोलनास आम आदमी पक्षाच्यावतीने जाहीर पाठिंबा देत असून तुमचा प्रश्न मार्गी लागे पर्यंत तुमच्याबरोबर राहुल सर्व प्रकारचे सहकार्य करण्यात येईल असे आश्वासित केले. जर वेळीच शासनाकडून प्रश्न मार्गी लागला नाही तर आंदोलन अधिक तीव्र करण्यास आम आदमी पक्ष तुमच्याबरोबर असेल अशी ही आंदोलन करत्यांना त्यांनी सांगितले.
